لە گەورە پاڵوەانەیل بردەو.. دویەتیگ لەتەمەن 8 ساڵان پاڵەوانێتی شەترەنج ئەوروپا بەێد
بودانا سیڤاناندان، خەڵک شار هارۆ لە باکوور خوەرئاوای لەندەن، نازناو پاڵەوانێتی کیشوەر وەدەس هاورد، دویای ئەوەگ لە قۆناغ وەرجە کۆتایی، لە یەکەم قۆناغ ناودەوڵەتی، لۆرن دیکۆستای تەمەن 39 ساڵ ڕاهێنەر هەڵوژاردەی دویەتەیل ئینگلتەرا بردەو یەکسانبوین ئەرا دوو گلە وەرد پاڵەوان ڕۆمانیا ڤلادیسلاڤ نێڤدێنیچی تەمەن 54 ساڵ لە قۆناغ کۆتایی.
بودانا کە لە تەمەن پەنج ساڵییەو دەس وە بازی شەترەنج کردیە، خوازێد بوودە بویچگترین بازیکەر ئینگلیزی کە میدالیای تەڵای ئۆڵۆمپیاد وەدەس بارێد و نازناو جەهانیش بوەێد.
دۆمینیک لاوسۆن، سەرۆک فیدراسیۆن شەترەنج ئینگلیزی ئەرا رووژنامەی تایمز راگەیان ئاست بودانا لە پاڵەوانێتی شەترەنج خێر "وەتەواوی خەیاڵییە بەڵام سەرسامکەر نییە، وەلێ دیاردەییە".
لە وتیش "یە ئەنجامیگ ناوازەس ئەرا دویەتیگ هەشت ساڵان، کە وە دڵنیاییەو چشتیگ کە وەرجەیە لەی وڵاتە نیمنە".
