ئیلۆن ماسک وە فرەترین زەردمەن دارایی چیە ناو کتاو گینس
![ئیلۆن ماسک وە فرەترین زەردمەن دارایی چیە ناو کتاو گینس](https://media.shafaq.com/media/arcella/1673610956941.jpg)
2023-01-13T11:56:38+00:00
شەفەق نیوز/ ملیاردێر ئەمریکی ئیلۆن ماسک، ناوی چیە ناو کتاو گینس چوینکە شمارەی پەیمانەیی جەهانی شکان وە لە دەسداین گەپترین سامانی کەسی لە مێژوو.
لە راگەێنراویگ ئینسایکلۆپیدیا باس لە داتاگان فۆربس کردیە و راگەیانیە پادشای تەکنەلۆجیا خاوەن "تسێلا" لەوەرە کەمەوبوین سامانەگەی وە رێژەی 182 ملیار دۆلار لە 2022 هاتیەسە ناو کتاو گینس.
گینس باس لەوە کەێد، هەرچەن مەحاڵە شمارەی هویردیگ لە زەرەردەیل ماسک دریاری بکریەێد، جویر ئەوەگ " بلومبێرگ" مەزەنەی کردیە زیاتر لە 200 ملیار دۆلار لە دەسدایە، ئی زەرەردە بەس بوی ئەرا ئەوەگ لە لیست دەوڵەمەنترین پیاوەیل جەهان دویری بخەێد.