لە کەرکوک دروس کریاگە.. ماشینیگ لە شیوەی مارسیدس لە چوو سلێمانی

شەفەق نیوز/ ئاساییە سەرسام بوی هەنای ماشینیگ چووین وەلادەو رەد بوود، لەناو جادەیل کەرکوک، و قەڕەباڵغی ماشینە نووەگان، ک ئی ماشینە چاب چووینیگە لە ماشینیگ لە مارکەی ماسیدیس مودێل ١٩٥٣، بەڵکم لە پیشەسازی دروسکردن کەرکوک و چووەگەی لە سلێمانی هاوریاگە.

پەتای کۆڕونا و رەوشەیل کەرەنتین لە کەرکوک لە مەوقەی بڵاوبوین ڤایرۆسەگە، هیشتن عەبدولڵا ئەحمەد وەخت بیکاریی دریژی وە چشت جیواز و سەرنج ڕاکێشیگ گوزران بکەێد.

ئەحمەد «٤٤ ساڵان» ئەرا ئاژانس شەفەق نیوز ئووشێد: لە دووساڵەو هویر لە دروسکردن ماشینیگ کەم، بەڵکم سەرقاڵ کارەیلیگ تر بویم، بەڵکم لەو وەختەگ ڤایڕۆس کۆڕۆنا بڵاو بوی و کەرەنتین ماڵی دەسکردەپی، دەرفەت دروسکردن ماشینیگ کەفتە دەسم، بەڵکم ماشین چووین.

ئەحمەد ک خوەی لە میکانیک ماشین کارکەێد، ئووشێد؛ خوەشم لە پیشەی ماشین خاسکردن تیەێد و خاس لەلی زانم، ئاراوە لەی پیشە سوودمەن بویم ئەرا دروسکردن ئی ماشینە ک ماوەی ٦ مانگ وەپی چگ، ودەسمیەتی یەکیک لە شاگردەیلم لە دووکان ماشین خاسەوکردنەگە.

و ئاماژە کەێد ک دویای تەماشاکردن راپۆرتیگ لە یەکیگ لە ماڵپەڕەیل ماشینە کۆنە و نەختەگان، جوور مارسیدسیگ مودێل ١٩٥٣ ، هویر کردم دروس  خود ماشین مارسیدس 

 بکەم، بەڵکم وە چوو، وتیش؛ چووەگە لە چین جیکسە ک ئیجوور چویگ لە شار سلێمانی پەیا بوود.

ئەحمەد ک لە زیاتر لە سێ ساڵە دانیشتو کەرکوکە، دووپات کەێد ک ماشینەگە لە رانستن توکمەس، و وەگەرد گشت کەشوهەواگان گونجیەێد، و ئاماژە کرد ک مەکینە وئەو بەشەیل ماشینەگە لە دوکانەیل خاسەوکردن ماشینە کۆنەکان سەنیانە.

ئەحمەد لە کۆتایی قسەگانی دەربارەی درووشم ماشینەگە ک دانریاگەسە وەردەمەگەی ئووشێد: ئەوە یەکەم پیتە لە ناو خوەم.