له‌وه‌ر ده‌سميه‌تداين كه‌سيگ تر گيان خوه‌ى له‌ده‌سدا

شه‌فه‌ق نيوز/ له‌ رويداگيگ دڵته‌زن، كابرايگ گيان له‌ده‌سدا له‌ بريتانيا، ئه‌ويش دوياى ئه‌وه‌گ داوه‌زێ له‌ سه‌ياره‌گه‌ێ ئه‌را ئه‌وه‌گ ده‌سميه‌ت شوفێريگ بيه‌يگ ك گير كردوێد له‌ناو وه‌فر.

له‌ى باوه‌ته‌و رووژنامه‌ى "زا سه‌ن"وت: ئى كابراى كووچكردگه‌ وه‌ل هاوسه‌ره‌گه‌ێ بويه له‌ناو سه‌ياره‌گه‌ى‌، ئمجا هه‌ناى ك داوه‌زيه‌ ده‌سميه‌ت پيشكه‌ش بكاده‌ ئه‌و شوفێره‌ يه‌كسه‌ر دڵێ له‌كار وسياگه‌و تا ئه‌پوڵانس هاورياگه‌ گيان له‌ده‌سداگه‌.

جى باسه‌، ئى كابراى كووچكردگه‌ مه‌رامى ئه‌وه‌ بويه‌ خوه‌ى هاوسه‌ره‌گه‌ى گه‌شت وه‌ره‌و مه‌كسيك بكه‌ن و له‌ناونى ڕيه‌يليش ده‌سميه‌ت چه‌ن كه‌سيگ تر دانه‌ له‌وانه‌گ له‌ناو وه‌فر گير كردوێن.