كۆمپانيايگ سويدى باقى ژياند وه كاريگ ئاسان زه‌مانه‌ت ئه‌كا
شه‌فه‌ق نيوز/ شايه‌ت خه‌ياڵ ئه‌وه بكه‌ێد مووچه‌يگ مانگانه وه‌ده‌س بارێد وه‌بى ئه‌وه‌گ هويچ كاريگ بكه‌ێد! هه‌رچه‌نى ئى مه‌سه‌له جوور خه‌ويگه، وه‌لێ نزيكيشه له‌ڕاسى له‌شاى پرووژه‌يگ ك حكومه‌ت سوێدى سه‌رپه‌رشى له‌بانى ئه‌كاو ده‌رفه‌ت وه‌پێد ئه‌ياد مووچه‌ى مانگانه بياشتوێد وه‌رانوه‌ر كاريگ ك ئاشكراى ناكا!
ئه‌و پرووژه ك حكومه‌ت ته‌مويلى ئه‌كاو له‌لايه‌ن كۆمپانيايگ سويدييه‌و جێوه‌جێ ئه‌كريه‌ێد، يه‌كيگ له‌و كه‌سه‌يل خاوه‌ن به‌خته هه‌ڵوژنێد ئه‌را كار له وێستگه‌ێ شه‌مه‌نده‌فه‌ر ك هيمان ته‌واو نه‌كرياگه له شار گۆتنبرگ و ته‌نيا كارى ئه‌وه‌سه گشت رووژيگ بڕيگ گلۆپ فلۆرسنت ده‌م بيه‌ێد و ئيواره بكوشنيده‌يانه‌و، وه‌لێ كارمه‌نده‌گه ئازاده له مامڵه‌كردن له‌وه‌خت ده‌مداين و كوشاننه‌وه‌ى ئه‌و گڵۆپه‌يله‌و ناچاريش ناكريه‌ێد له ويستگه‌گه بمينێدو ئه‌تويه‌نێديش واز بارێد له هه‌ر وه‌ختيگ، وه‌لێ ئه‌گه‌ر بتوايد بمينێديش وه دريژايى ژياند زه‌مانه‌ت كارد ئه‌كاو مانگانه‌يش 2320 دۆلار وه‌پێد ئه‌ياد له وه‌رانوه‌ر كوشاننه‌وه‌و ده‌مداين گڵۆپه‌يل.
