قورتارکردن زیاتر لە ١٥٠ کیسەڵ دەریایی لە هەڕەشەی فەوتیان
شەفەق نیوز/ دامەزراویگ ئەمریکی کار لە مقەیەتیکردن زنیوەرەیل دەریایی کەێد، وت: زیاتر لە ١٥٠ کیسەڵ چارەسەری لە بیماری کریەن، ک لەوەر داوەزین گەرمی لەشیان کەفتنەسە هەڕەشەی فەوتیان، دویای رزگارکردنیان وەرانوەر کناراو ویلایەت ماساچوستس باکوور خوەرهەڵات ئەمریکا.
دامەزراو (ئەکواریۆم نیو ئینگلاند) لە بۆستن وت: خەسەخانەی کیسەڵەیل دەریایی چارەسەر ١٢٠ کیسەڵ لە چین "کیمپ" کەێد ک هانە ژیر هەڕەشەی فەوتیان، و هەمیش ٣٣ کیسەڵ سەوز.
ئەو کیسەڵەیل دەریاییە خوەیان خستنە هشکایی لە نیمچە دوورگەی کیپ کۆد لە زەریای ئەتڵەسی.
ئادەم کینیدی لە دامەزراوەگە وت: ئەو کیسەڵەیل دەریاییە شەکەت بوینە لەوەر سەردی ساڵەیل گوزەشتە ئەراوە خوەیان خستنە هشکایی.
وتیش: هەنای کەشوهەوا گونجیاگ بوود، ئاو خەلیج کیپیش ئەرا ماوەی فرەیگ وە گەرمی مینێد، و مەزەنە کەیمن ئەوە نیشانەیگە لەبان ئاڵشبوین کەشوهەوا لەو ناوچەیلە.
شەکەتی وە سەردی هیلیێد لەشیان فرەتر سەردەو بوود، و ئاژەڵەیل لەناو دوورگە گیر تیەن، و دی توانایان نیەمینێد تا وەرەو ئاویگ گەرمتر مەلەوانی بکەن.
