فیلمیگ چینی رسوای شارەوەگان کەێد لە بڵاوبوین ڤایڕۆس کۆڕۆنا لە ووهان
شەفەق نیوز/ تا ئەوەنە ناو ووهان چینی تیەێد، وەزوی کۆرۆنا تیەێدە یاد، چوونکە ڤایڕۆسەگە لەی شارە پەیابوی، ک جهان داگیرکرد، و زیاتر لە ٨٠٠ هەزار کوشت و ٢٥ مەلیۆن تووشهاتورد، و گومانەگان هانە دەور تاقێەگانی، ک خوەی هووکار سەرەکی ئی نەهامەتیەسە ک جهان تووشی هات، دویای ئەوەگ چەسپیا ک تاقیکردنەوەیلیگ ئەنجام دریاگە دەربارەی ڤیڕۆسەیلیگ لە شەمشەمکوورەک، و هەمیش ک شایەت شەپۆلە یەکەمەگەی ڤایڕۆس کۆڕۆنای کۆن، وە هەڵەوە لە ری یەکیگ لە کارمەنەیلی دەرچگە.
لەی شیوە، دەرهێنەریگ چینی وەناو ئای ویوی، یەکەم فیلم بەڵگەنامەیی دریژ دەرکرد، وەناونشان ''تاجینکردن'' دەربارەی شار ووهان، لەماوەی بڵاوبوین پەتاگە، ورەوش ئەو شار چینیە ک بڕ دانیشتوەیلی رەسێدە ١١ مەلیۆن کەس، هەنای کەفتە ژیر کەرەنتین بیوەرینیگ.
وەگورەی کەناڵ ''فۆکس نیوز'' ویوی دووپاتکرد ک حکومەت وڵاتەگەی تا ماوەی چەن هەفتەیگ لە ٢٠١٩ وەشیوەیگ تەواوەتی لەبان پەتاگە پووشا، وەرجەیە دەسبکەێدە راگەیاننی لە سەرەتای ٢٠٢٠ ، و فیلمەگە چرکەیل دەرکەفتن بیماریەگە وەبەڵگەکرد و هەمیش کەرەنتینە تەندروسیەگە لە خەسەخانە تایبەتەگان.
هونەرمەنە هارەگە خوازێد سەرنج جهان بکەشێد ئەرا پێشێلکاریەگان لەماف مرۆڤ و گەندەڵی لە حکومەت چین، لەری فیلمەگانی، ودویاتریان ئەو فیلمەسە ک ماوەگەی ١١٥ خولەکە، و لە ئۆڕوپا تۆمارکریا، ک لەورا جینشین بویە.
وتیش؛ فیلمەگە وەڕوونی رەفتار پەکین کەێدە بەڵگە لە وەڕێوبردن قەیرانەگان، وەتایبەت قەیران کۆڤید-١٩ ، لە ری کۆنتڕۆڵکردن تاکەیل کۆمەڵگا، وچەودیری ومەغز شووردنیان دەربارەی پەتاگە.
