ئیڵیگ ئەفریقایی زگ قەوی وە و چشت رەنگینیگ زانێد
"بودی" ئیڵیگە لە کشاوەرز و شوانەیل، خوەشیان لە زگ گەورە تیەێد، و ڤیستواڵیگ ساڵانە وەناو "Ka’el" کەن، ک ئەو پیاوە ک گەورەترین زگ دیرێد بوودە خاوەن نازناو (پیاوە چاخەگەی ئمساڵ)، تا گشت ژیانی جویر پاتشایگ لەناو ئیڵەگە رەفتار کەێد.
ئی ئیڵە نووڕێدە چاخی و زگ گەورە جویر چشتیگ کاریگەری بەدیگ لەبان تەندروسی نەیرێد، و هەمیش جویر نشانەیگ ئەرا رەنگینی پیاوەگە ناسنەی.
ئەرا ئامادەکردن ئی رویداو گرنگە، پیاوەیل تا شەش مانگ خوەیان چاخەو کەن، و گەیەی خوەیان پڕ کەن، ک بایەتە کەم جویلە بکەن و فرە بخوەن.
پیاوەیل لەی ماوە وەگەرد خوەرهەڵاتن نزیکەی ١ تا ٢ لەتر شیر مانگا نووشن، و بایەتە تا ئەو رووژە تەواو بوود چەن جاریگ لەی شیرە بنووشن.
لە رووژ فیستواڵەگە، ک هەمیشە لە مانگ حوزەیران یا تەمووز کریەێد، پیاوەیل خوەیان وە خەرگ و خوەڵەکوو پلگنن، و زگ خوەیان نشان مەردم دەن، و کەسەیل ناو ئیڵەگە دەنگ ئەرا خاوەن قەویترین زگ دەن، و دویای ڤیستواڵەگە، وەچەن هەفتەیگ، گەیەی پیاوەیل داوەزێد، و تیەێدە شیوەی جارانیی.
