فرووشتن ماشینەگەی "شۆماخر" پاڵەوان فورمیلا وە نرخیگ ئەفسانەیی

شەفەق نيوز/ ئەو ماشین فیراریە کە هەسارەی فۆرمیلا ئەرا سەرکەفتن لە پاڵەوانیەتی جەهانی ئەرا فۆرمیلا 1 لە ساڵ 2001 رانیە، لە زیایکردن ئاشکرا وە 16 ملیۆن یۆڕز فرووشیا، ئەوەیش لە پەراویز پێشبڕکێ خەڵات گەورەی مۆناکۆ. 

ماڵ "رەم ئەم سوزربيز" ئەرا زیایکردن ئاشکرا وت: ماشینەگە بایی 15.98 ملیۆن یۆڕۆ فرووشیا، و رووژنامەی نیویۆرک تایمز وت: زیایکردن لەبان ماشینەگە وە 8 ملیۆن یۆڕۆ دەسوەپی کرد.

رووژنامەگە وتیش: ئەو ماشینە ئەرا یەکیگ لە میوانەیل ناوچەی کەسایەتیەیل گەورە فرووشیا.

وتیش: ئی نرخە بەرزترینە ئەرا سەنین ماشینیگ فیراری بەشداری لە فۆرمیلا 1 کردگە.