فرووشتن زیاتر لە 10 ملیۆن "ماشین کارەبایی" لە جەهان لە ساڵ 2024
شەفەق نیوز/ فرووش ماشینەیل کارەبایی لە گشت جەهان، لە ماوەی ساڵ
2024، بەرزەوبوین وە 14% لە ساڵ وەرجە خوەی وەدەس هاورد.
وەگورەی کۆمپانیای راوێژکاری ئیداری "برايس ووترهاوس كوبرز"، پارەکە فرووشتن نزیکەی 10.4 ملیۆن ماشین کارەبایی وەخوەی دی.
لەو 21 بازاڕە لەناو نۆروێنەوەگە، بازاڕ چین نزیکەی یەک لە سێەی فرووشەیل بویە بەشی وە 6.7 ماشین کارەبایی، کە زیاتر لە 20 لەسەد بەرزەو بویە.
ئەمریکا هاتە٨پلەی دویەم وە فرووشەیل 1.2 ملیۆن ماشین وە زیایبوین 7.4 لەسەد، ئیجا بەریتانیا وە فرووشەیل 382 هەزار ماشین کارەبایی، وە زیایبوین 21 لەسەد لە پارەکە.
ئەڵمانیا ئەرا پلەی چوارەم داوەزیا، دویای کەمەوبوینیگ وەڕیژەی 27 لەسەد کە هاتە 381 هەزار ماشین کارەبایی.
هەمیش فرووشەیل بازاڕەیلیگ ئەوروپی ترەک داوەزیا، جویر فەرەنسا و نەمسا و ئیتالیا و سویسرا و سوید.
یۆرن نويهاوزن، پسپۆڕ لە بازاڕ ماشینەیل کارەبایی لەلای کۆمپانیای "ستراتيژي ئاند" سەروە "برايس ووترهاوس كوبرز" وت: بازاڕ ماشین کارەبایی وەشیوەی گەورەیگ پشت وە کاریگەرەیل دەرەکی بەسێد، دیاری کرد کە فرووشە گەورەیل لە وڵات چین لە کۆتایی ساڵەگە، چوودەو ئەرا جویریک لە هاندان دەوڵەت ئەرا سەنین ماشینەیل کارەبایی.
کۆمپانیای "برايس ووترهاوس كوبرز" وت: کەمەوبوین فرووشەیل لە ئەڵمانیا بویە هوکار یەواشی لە قەرەباڵغی بازاڕ یەکێتی ئەوروپا وەتەواوی، وتیش؛ وەرانوەر ئەوە، کۆمپانیایل دروسکەر، فرووشتن ماشینەیل کارەبایی لە پارەکە خستنە ئمساڵ، ئەرا جیوەجیکردن لیستەیل کەوانەی ئۆکسید کاربۆن لە ساڵ 2025.
