عراق لە فرەی وڵاتەیل جەهان کەمتر لەبان خوەراک خەرج کەێد

بەیاننامەیگ تایبەت نشان دەێد کە عێاقێ کەفێدە پلەی 81 لەناو 103 دەوڵەت لە بڕ خەرجکردن تاکە کەسیگ لەبان خواردن لە دەیشت ماڵ.

لە ناوڕاس خەرجکردن تاکە کەسیگ عراقی لەبان خواردن وەماوەی یەک ساڵ رەسێدە 795 دۆلار، وتنە هەر رووژیگ رەسێدە  3 هەزار دینار.

لەناو دەوڵەتەیل عەرەبی، ناوڕاس خەرجکردن تاکە کەسیگ عراقی لەبان خواردن، لە پلەی دە تیەێد، دویای ئیمارات و سعودیە، عومان، كوێت، قەتەر، میسر، لوبنان، بەحرەین، ئوردن، ئیجا عراق.

ئی لیستە تەنیا ئەرا ناوڕاس خەرجکردن تاکە کەسیگ لەبان ئەو خواردنە کە ئەرا ماڵ سینێد.

بەیاننامەیل میژووی نشان دەن کە لە ساڵ 2018  خەرجکردن تاکە کەسیگ عراقی لەبان خواردن رەسێدە 740  دۆلار وەماوەی یەک ساڵ، و لە ساڵ 2019 رەسیە زیاتر لە 806  دۆلار، و لە 2020 ئەرا 760 داوەزیا، ئیجا بویە 587 دۆلار لە 2021، وەرجەیەگ دووارە بەرزەو بوود لە 2022 تا بڕەسێدە 795 دۆلار، کە بەرزترینە لە دویای ساڵ 2019.