شەش هەسارە وەڕزەو وسیەن... زەوی چەوەڕی دوو رویداو فەلەکی دەگمەن کەێد
ئی دیاردەی فەلەکی دەگمەنە و هاتێ ئایەم یەی گلە لە ژیانی بوینێد، چوینکە شەش هەسارە واتە عەتارد، مەریخ، موشتەری، زوحەل، ئۆرانۆس و نەپتون لە پشت یەکەو رز گرن و مانگ هەفتەم هەسارەیانە.
رزگردنەگە راستەقینە نییە، بەڵکم لە ئاسمان ئەرامان ئامادە کریاس و تا کۆتایی مانگ حوزەیران وەردەوام بوود، وەجویریگ جاروبار دەرکەفێد کە ئی هەسارەیلە لە جویلەی خوەیان لە چوارچیوە سیمایگ ناواز وەپشت خوەرەو ری کەن، رزگردن ئەو هەسارەیلە وەگورەی شوین خوەد لەبان زەوی جیاوازە.
ئاژانس پوڵایی ئاسمان ئەمریکی ناسا راگەیان کە خاسترین وەخت ئەرا تەماشاکردن نمایش هەسارەیل مەوقەی هەڵاتن خوەرە، وە مەرجیگ ئاسمان پاک بوود و لە بەشیگ وڵاتیش هاتێ خەڵک ناچار وەکارهاوردن تەلەسکۆپ بوون تا چێژ لە دیمەنە بگرن.
دیمەن ئایدیاڵ لە ٢٩ی حوزەیران بوود، وەختیگ هەسارەکانی پشت یەکتر وە ئاشکراتر دیار دەن.
ئی رویداو گەردوونیە ئمساڵ تاکە رویداو ئاسمانی نییە.
نۆڤا دویای تەقینەوەیگ لە ناوەین ئەسارەیگ گەورە و ئەسارەیگ بویچگ روی دەێد کە وە دەوریەو گەردێد تاوەکو رووشناییگ لە ئاسمان زەوی دیار دەێد، کە چەن رووژیگ مینێد.
