چشتەیل ناو فیلمەیل هۆڵیوود خریەنە فرووشتن

شەفەق نیوز/ ئی هەفتە لە شار بیگرلی هئلز ئەمریکی،  بانگەشەی فرووشتن چەن پارچەیگ کریەێد ک وەرجەیە لەناو فیلمیل هۆڵیوود وەکار هاوریانە ک بۊینەسە خاوەن ناودیاری فراوانیگ.  

ئەو پارچەیلە ک خریانەسە فرووشتن،  دڵنگ جۆن تراڤوڵتا لە فیلم باڵب فیکشن، و تەختەی سواری شەپۆل دەریا ک پاتریک سوایزی لە فیلم پۆینت بڕێک وەکاری هاورد، و شمشیرە رووشنەگەی لیام نیسون لە فیلم زا ڤانتۆم ميناس.    

ئەو پیشانگا ک ماڵ جولیانز ئۆکشینز رووژەیل پەنجشەممە و جمعە لە نزیک لۆس ئەنجلس سازێدەی، زیاتر لە ١٢٠٠ پارچەی ناو فیلمەیل ناوداریگ خەێدە فرووشتن، جۊر فیلمەیل باتمان و باک تو زا فیوچەر و هاری بوتەر و جیمس بۆند و گایم ئۆف سرونز، یا چشتەیلیگ هن ئەکتەرەیل ناودار جۊر مارلین مۆنڕۆ و پروس وێڵس و کەسەیلیگ تر.