سێ گورگ، بیس و دو په‌ز ئه‌ڵدڕین

شه‌فه‌ق نیوز- گورگانه‌خوارد بیس و دو گلە لە کاوڕ و په‌س‌و‌پووڵه‌یلە ده به‌یره‌ی، ده ئوستان ئیلام کریا وه دی.

سەرپولیس شارستان به‌دره وتگه: ده بان‌بڵنییه‌یله‌ی ئاوایی تیه‌ڵئاو به‌یره‌ی، سێیان گورگ ورسگ، هه‌ڵامات رییه‌نێ هاوردنه و بیس و دو گله له‌و به‌سەزوانەیلە ئەڵدڕینە.

ئەوی لە شوانەیلە و گەلیارەیلە وت:دە ئی سەرماوەزە فرەتر ویردار ببن و پەچیە و ئاخڵه‌یلە خاس و قایم بکوتن تا تووش هەڵامات گورگ و دەی و دەی‌دام یا دز و درووزن نەیان.

دە شارستان بەدرە، بان بیس هزار کەس دانیشتن و ئی شارە ها دە هەشتا کیلوومتری، لاخوار شار ئیلام و گشتێیان لە ئێڵ کوردزوان بەیرەیین.