پسپۆریگ: هویچ بەڵگەیگ نییە کە میوە خواردن شەوانە ئایەم چاخ کەێد
پسپۆڕ خوەراک دکتۆر کامەران ژاژڵەیی لە پۆستیگ لە بان تووڕ کۆمەڵایەتی فەیسبوک راگەیان، لەڕوی زانستی هویچ بەڵگەیگ نییە کە خواردن میوە لە شەو بوودە هوکار قەوینی وە مەرجیگ ئی رینمایەیلە جیوەجی بکریەد:
۱. خاسترە سێ ساعەت وەرجە خەفتن هویچ خوەراکیگ نەخوریەد، بیجگە لەو کە ورسگیە چوینکە نیەوود وە ورسگی بخەفید.
۲. بڕ ریگەوەپی دریاگ گرنگه و بریتییه له میوەیگ وە قه‌باره‌ی یه‌ک کووپ یان پڕ وە ده‌س ئه‌و که‌سه، ئه‌گه‌ر تیر نه‌خوارد دویای یه‌ک ساعەت هەمان بڕ بخوەێد ئەرا نموونه یه‌ک هه‌رمێ، یه‌ک سیف، یه‌ک ئه‌نار.
۳. جویر میوەگە گرنگه، میوه مزره‌مه‌نیه‌گان بوونە هوکار زیایبوین دڵەکزە و ژان گەیە لەو کەسەیلە کە گرفت دڵەکزە یا گەیە و قۆلۆن دیرن، خورما و ئەنویر کشمشی و ئەنویر سیا کالۆری بەرزێگ دیرن، هەمیش مۆزەیل ناو هەرێم کوردستان، چوینکە ماوەی فرەیگ وەرجە هاوردە کردن و رەسینی لەدار کەنیانەسەو.
خاسترین میوە لە شەو بریتیە لە گێلاس، ئەنجیر، ئەڤۆگادۆ، کێوی، گێزه‌ر، ئه‌نار، هه‌ڵوژه، گۆیژ، کاڵه‌ک، شامی، شلیک، توی و قه‌یسی.
