٣٣ ساڵانیگ هیمان ناخاڵە
2020-09-20T07:33:36+00:00
شەفەق نیوز/ شایەت لە خەو گشت کەسیگ بوود، وەگەنجی بمینێد، وەلی ئی خەو ئەڵاجەویە تەنیا لەلای ''دینیس فاشورین'' بویە راس، ک بایەدە ئیسە تەمەنی بڕەسێدە ٣٣ ساڵ، بەڵکم کی بڕوا بکەێد؟، ک هیمان شیوەگەی ناخاڵەی ١٣ ساڵانە.
میدیایل رووسیا باسکردن ک ''فاشورین'' زیان ئەوە وەخوەی دوینێد، ک کەسیگ بڕوا وە تەمەنی نەیرێد، چوونە لە بیس ساڵ گوزەیشتە تا ئیسە شیوەگەی لە شون خوەی وسیاگە، و گەورایی وەپیەو دیار نیە، لەوەختیگ تەمەنی ١٣ ساڵان بویە، وکەسیگ هووکارەگەی نەزانست.
ئی گەنجە لە ئاواییگ لە ناوچەی ''کڕاسنویارسک'' هات ئەرا مۆسکۆ ئەرا چەوپیکەفتنیگ لەبان ''یوتیۆب'' تا باس خوەی بکەێد، وسەرنج مەردمەگە کیشا، وەختا سەرسام بوین وەشیوەگەی ک نەگوجیاگە وەگەرد تەمەنە راسیەگەی، ک لەداڵگبوی ١٩٨٧زاینییە.
گەنجەگە لە سەرەتایی پاپای ئی کارە نەوی، ک یەواشتر لە هاوتەمەنەگانی گەوراوەبوود، چوونکە ئەو وەختە جیوازیەگە فرە ئاشکرا نەوی، وەختا لەناو برادەرەیلی لە مەکتەب بویچگتر دیاردا، بەڵکم پلەیل خاسیگ ورەگردیاد، تەنانەت لە وەرزشی ک لەبان هاوڕیەگانی سەرکەفتیاد.
وەختا تەمەنی گەوراوەبوی، لەشی لە ١٣ ساڵان هیشتە جی، وهەر وەو جوورە مەن، و مەردم بڕوا نەکردیان ک تەمەنی ٣٣ ساڵانە، و گومان لە قسەیلی کردیان، یا وەتیان شایەت هەنەکی کەێد، تەنانەت رووژیگ پۆلیس گردەی وەختا ماشین رانستیاد، و لەخوەیانەو دەسکاری مووڵەت رانینەگەی کردگە، و ئەو کارە فرە تۆڕەی گەنجەگە کرد، چوونکە ئەرا ماوەیگ پۆلیسەگە گیرای هاورد، و فرە بیزاری کرد ک هەر جاریگ بایەدە خود قسەگان ئەرایان باس بکەێد، وهەر جاریگ وە چەو گومان وەپی نووڕن.
گەنجەگە دوینێد، ک خوەی ناچارە بچوودەو ئەرا ئاوایەگەی چونکە خاسترین شوونە ئەرا تەواوکردن ژیانی، و لەورا گشتیان ناسنەی، وپرسیارەگان لەلی دووارەو نێەکەن.
میدیایل رووسیا باسکردن ک ''فاشورین'' زیان ئەوە وەخوەی دوینێد، ک کەسیگ بڕوا وە تەمەنی نەیرێد، چوونە لە بیس ساڵ گوزەیشتە تا ئیسە شیوەگەی لە شون خوەی وسیاگە، و گەورایی وەپیەو دیار نیە، لەوەختیگ تەمەنی ١٣ ساڵان بویە، وکەسیگ هووکارەگەی نەزانست.
ئی گەنجە لە ئاواییگ لە ناوچەی ''کڕاسنویارسک'' هات ئەرا مۆسکۆ ئەرا چەوپیکەفتنیگ لەبان ''یوتیۆب'' تا باس خوەی بکەێد، وسەرنج مەردمەگە کیشا، وەختا سەرسام بوین وەشیوەگەی ک نەگوجیاگە وەگەرد تەمەنە راسیەگەی، ک لەداڵگبوی ١٩٨٧زاینییە.
گەنجەگە لە سەرەتایی پاپای ئی کارە نەوی، ک یەواشتر لە هاوتەمەنەگانی گەوراوەبوود، چوونکە ئەو وەختە جیوازیەگە فرە ئاشکرا نەوی، وەختا لەناو برادەرەیلی لە مەکتەب بویچگتر دیاردا، بەڵکم پلەیل خاسیگ ورەگردیاد، تەنانەت لە وەرزشی ک لەبان هاوڕیەگانی سەرکەفتیاد.
وەختا تەمەنی گەوراوەبوی، لەشی لە ١٣ ساڵان هیشتە جی، وهەر وەو جوورە مەن، و مەردم بڕوا نەکردیان ک تەمەنی ٣٣ ساڵانە، و گومان لە قسەیلی کردیان، یا وەتیان شایەت هەنەکی کەێد، تەنانەت رووژیگ پۆلیس گردەی وەختا ماشین رانستیاد، و لەخوەیانەو دەسکاری مووڵەت رانینەگەی کردگە، و ئەو کارە فرە تۆڕەی گەنجەگە کرد، چوونکە ئەرا ماوەیگ پۆلیسەگە گیرای هاورد، و فرە بیزاری کرد ک هەر جاریگ بایەدە خود قسەگان ئەرایان باس بکەێد، وهەر جاریگ وە چەو گومان وەپی نووڕن.
گەنجەگە دوینێد، ک خوەی ناچارە بچوودەو ئەرا ئاوایەگەی چونکە خاسترین شوونە ئەرا تەواوکردن ژیانی، و لەورا گشتیان ناسنەی، وپرسیارەگان لەلی دووارەو نێەکەن.
