پزیشکەیل هووشداریدەن لە زیای وەکارهاوردن کافایین
شەفەق نیوز/ ملیۆنان هاوڵاتی لە جەهان کوپیگزیاتر لە قاوە یا چای یا نوشەمەنیەیل هازبەخش نوشن کە بڕ فرەیگ کافایین هاناویان.
کافایین وە یەکیگ لەو مادەیلە دانرێد، بوودە مدوو گورجەوبوین کۆئەندامەیل دەمار و وزەی لەش زایکەێد و هەسکردن وەخەواڵویی و شەکەتی کەمەوەکەێد، وەگەردیا ئاگایی و سەرنج زیاتر کەێد.
توێژینەوەی نوویگ چەسپانیە زیایچگن لە نوشین قاوە و چای؟و ئەو بەرهەمەیلە کافایینیان بەرزە بوودە هووکار زیاییبوین خێرایی کوتان دڵ، ودڵەڕاوکێ، دروسبوین گیچەڵ ئەرا کۆئەندام هەس.
وەقەی توێژەرەیل لە رووژیگ تا 400 ملیگرام کافایین جویر رێژەی ریگەوەپیدریاگە ئەرا وەکارهاوردن.
یەکیگ لەو رخداریەیلە پزیشکەیل هووشداری لەبانی دەن تەواوکەرەیل خوەراکی دەوڵەمەنە وە کافایین کە وەکارهاوردن یەک کەمچگ بویچگ لەلی یەکسانە وە خواردن 20 کوپ قاوە، وەکارهاوردنی رخداری وەبان لەش دروسکەێد.
