پزیشکەیل سریلانکا گەپترین سەنگ لەناو گورچگ پیاویگ درارن
2023-06-15T11:56:40+00:00
شەفەق نیوز/ لە سریلانکا وە نەشتەرگەری گەپترین سەنگ گورچگ ک تا ئیرنگە توومارکریاوێد لە گورچگ پیاوگ 62 ساڵان دراوردن.
وەپای میدیایەیل سریلانکا، نەشتەرگەریەگە لە خەسخانەی سەربازی ئەرا ئەفسەریگ خانەنشین سوپای ئەو وڵاتە ئەنجامدریاگە و توەنریایە وە سەرکەفتی سەنگەگە لەناو گورچگی درارن.
کیش سەنگ گورچگەگە 801 گرامە، ک پەنج ئەوەنە کیش گورچگ ئاسایی پیاویگ قورسترە هەمیش درویژیەگەی 13.37 سانتیمەتر بویە ، ک درویژی گورچگ ئاسایی 10 ئەرا 12 سانتیمەترە.
هەر وەی مدووە وەرپرسەیل کتاو گینس خەوەردار کریانە تا ری شوین پێویست بگرن تا ئی شمارەی پەیمانەییە لەکتاو گینس تووماربکەن.
