زیاتر لە ١٦٠٠ کۆڵ.. درویژترین بازی تووپان تا ١٠٢ ساعەت وەردەوام بوی

 لە مانگ حوزەیران ٢٠١٥ شمارەی پەیمانەیی جەهانی نوویگ توومار کریا ئەرا درویژترین بازی تووپان، لە بازییگ خێرخوازی کە ١٠٢ ساعەت وەپی چگ.

 ئی بازیە لەلایەن پرۆژەی تێست لاندزەو سپۆنسەر کریا، کە ریخریاییگ خێرخوازییە لە شار ساوسهامپتۆن، کە ئامانج گردەوکردن پویل و دەسمیەتی مناڵەیل بیبەش بوی لە شارەگە.

 درویژترین بازی لە میژوو تووپان 

 بازیەگە وە بەشداری ٣٦ بازیگەر لە دوو تیم وەڕیەو چگ، و وە نوورە هچان وەرگردن ئەرا خواردن و چارەسەر فیزیایی و خەفتن.

 بازیەگە وە 11 بازیگەر ئەرا هەر تیمیگ لە ساعەت 6:30 ئیوارە دەسوەپی کرد، 

 و وە گشتی زیاتر لە 1600 گۆڵ کۆتایی هات و تیپی سووریش وە ئەنجام 910-725 لە هاوتای چەرمگی بردەو.

 گیچەڵەیلیگ وەبڕ

 بازیەگە واران فرە رفتیگ لەناوی وارێ،  لۆک نیومان لە ئەرا میدیایل وت: “شەو دووشەممە فرە بەد بوی، هاتێ تا ماوەی 3 ساعەت ببهچان واران واری، و ناچار بویمن تا ماوەی 12 ساعەت بازی بکەیمن”.

 وتیش "وەپیمان نەکریا پڕتاڵیش ئاڵشت بکەیمن، گشتی وەتەواوی تەڕ بوی.

لەلای خوەییش جولی مۆنتێرۆ کە لەو وەختە وەرپرس وڵایین بازیگەرەیل بوی، وت: بازیەگە فرە سەخت بوی، بازیگەرەیل تویش ژان زرانی هاتن، بەدترین ئەزموون ئەو ئەزموونە بوی تا ئیسە.

 هاتێ ئی بازیە توەنستیە  لە بڕە پویل فرەیگ لە ناوەین ٢٠ تا ٢٥ هەزار لیرە لەو وەختە گردەو بکەێد.