رۆبۆتە هندییەگە چشتەیل نوویگ لە جەمسەر باشوور مانگ ئاشکرا کەێد
2023-09-03T11:46:36+00:00
شەفەق نیوز/ ئەو رۆبۆتە کە لە ٢٣ی ئاب لەبان روی جەمسەر باشووری مانگ نیشتەو، توەنست بویین کەبریت لەو شوینە بچەسپنێد، وەپەی ئەوەگ ئاژانس بۆشایی ئاسمانی هندستان بڵاوی کردیە.
ریخریاگ توێژینەوەی بۆشایی ئاسمان هندستان (ISRO) لە بەیاننامەیگ راگەیان: ئامێر پەیمانەکردن لەیزەری پلازما لە کەشتی ئاسمانی چاندرایان-٣ یەکەم پەیمانەکردنی ئەرا ئەو توخمەیلە کردیە کە لە روی مانگ لە نزیک جەمسەر باشوور هەس.
لە بەیاننامەگە وتیە "ئی پەیمانەی مەیدانیە لە شوینیگ وەبی هویچ کومانیگ بویین کەبریت لە ناوچەگە چەسپانیە".
وەگورەی ریخریایەگە؛ رۆبۆتەگە بویین ئەلەمنیۆم و کالسیۆم و ئاسن و کرۆمیۆم و تیتانیۆم لەبان روی مانگ چەسپانیە. و پەیمانەیگ ترەک بویین مەنگەنیز و سیلیکۆن و ئۆکسجین دەرخست.
