چیرووک ئەو وەویە لە ئەندەنووسیا کە شوی کردە خەسویرە
ئەو دویەتە کە لەناو سۆشیال میدیای ئەندەنووسیا وەناو "س. ئ" ناسیاسە، خەڵک ئاوای جیکوتامو، چیرووک دڵداری درویژیگ وەرد کوڕیگ داشت، تا رەسیە رووژیگ کە دی سویر بکەن.
وەگورەی سایت "ئۆديتي سەنتراڵ" لە رووژ سویرەگە، کوڕەگە خوەی گوما کرد، و ئەو دویەتە وەتەنیا هیشتەجی، نیەزانێد چە وە میوانەیل بویشێد.
هەرلە بنەماڵەی وەوی و زاوا رازی وەی کارە نەوین، و کەسیان رازی نییە ئاهەنگ سویرەگە پویچەڵ بکەێد و هەر کەسیگ بچوودە ماڵ خوەی، چوینکە ئامادەکاری ئەرا ئی سویرە یەک هەمکە پویل خەرجی کردنە، بیجگە پویل شیروایی، کە باوگ زاواگە، ناچار بوی تا ئی خەرج فرە لەدەس نەێد، خوەی هەڵسێد، وباێدە لای وەیوەگە، و مارەی ئەرا خوەی بووڕێد.
لە پارچە ڤیدیۆییگ لەبان سۆشیال میدیای ئەندەنووسیا، باوگ وەوی و باوگ زاوا لەناو ئی سویر ئەڵاجەوییە بەشداری کەن، کە یەکیگیان بویەسە زاوا.
برای وەویەگە، وەناو ویستو ئەحمەد، دویای بڵاوبوین ئەو ڤیدیۆ، ئەرا رووژنامەنویسەیل وت: هەناێ میوانەیل رەسینە ناو سویرەگە، بنەماڵەی زاوا وەپەیمان وتن کوڕەگەیان گوما بویە.
هەرچەن بنەماڵەی وەوی کەفتنە وەر رسوایی و شەرم فرەیگ لەوەر وایین ئی زاوا، وەلێ خەرجکردن نزیکەی ٢٥ مەلیۆن روپیەی ئەندەنووسی کە رەسێدە نزیک ١٧٠٠ دۆلار ئەرا ئی ئاهەنگ سویرە چشت کەمیگ نەویە، کە کەفتنە هووڵ ئی خەرج فرە، کە لەو ئاوای بویچگە ئی بڕە پویلە فرەس.
ئەراوە باوگ زاوا بڕیار دا بنیشێدە شوین کوڕەگەی، و مارەی ئەرا خوەی بووڕێد.
