رفانن دوو گەنج وەشیوەی نادیاریگ و گیان لەدەسدان کەسیگ لە دوو پارێزگای عراق

2023-01-25T08:41:52.000000Z

شەفەق نیوز/ دوو سەرچەەی ئەمنی خەوەردا لە رفانن دوو گەنج لە بارودۆخ نادیاریگ و گیان لە دەسدان مەدەنییگ وە رویداو هاتوچو لە پارێزگایل دیالە و سڵاحەدین.

سەرچەوەیگ ئەمنی وە ئاژانس شەفەق نیوز وت دوو گەنج  دانشتگ ئاوایی "ئەبی تڵمر" لە دەوروگەرد قەزای خاڵس لە باکوور خوەرهڵات بەعقوبە ماوەی سێ رووژە رفیانە ک یەکیگیان خوەنەوار زانکۆیە.

وتیش دەزگایەیل ئەمنی دەسکردنەس وە مینەکردن و گەردین ئەرا ئاشکەراکردن چارەنویس دوو گەنجەگە.

لە سەڵاحەدینیش، مەدەنییگ گیان لەدەسدا وە رویداو هاتوچو لە شار تکریت.

سەرچەوەیگ ئەمنی وە ئاژانسەگەمان وت، مەدەنیگ وە لەیەکدان ماشینەگەی وەگەرد "مکسەریگ" گیان لەدەسدا لە شار تکریت.

وتیش تەرمەگەی ئەرا پزیشک دادوەری کلکریایە دەزگایەیل تایبەت لێکۆلینەوە لە رویداوەگە وازکردنە.

Shafaq Live
Shafaq Live