رزگارکردن کوورپەیگ لەناو جانتایگ فڕە دریاسە چەم

شەفەق نیوز/ کوورپەیگ دویای لەداڵگبوینی وەچەن ساعەتیگ، وەدەس پیاویگ خریا ناو جانتایگ و لە بان پێەڵیگ ئەرا ناو چەم فڕەی دا، لە تاوانیگ قیزەون ک وڵات بەڕازیل هاوردە لەرزە.

وەچەودیەیلیگ ئەرا پولیس سەربازی وتن: پیاویگ جانتایگ خستیەسە ناو چەم کابیباریبی لە ساو لورینکۆ دا ماتا لە بەڕازیل.

دووان لە راوچیەیل ماسی، لە ژیر پێەڵەگە ئەو کردەوە وەچەو خوەیان دین، و دەنگ قیژەی ئەو دویەت کوورپە ژنەفتن، و رەسینە هانای.

یەکیگیان وەناو بیدرۆ وت: هاوڕیەگەی جانتاگا لەناو چەمەگە دراوەرد و دادەی دەس من، و هەنای وازی کردم، کوورپەیگ لەناو بوی.

وەگورەی میدیایل راگەیانن بەڕازیل، کوورپەگە وەرجە چەن ساعەتیگ وەشیوەیگ هەڕەمەکی ناوکی بڕیاگە، و وەرپرسەیل تەندروسی وتن: تەندروسیی خاسە و هیمان هاژیر چەودیاری لە خەسەخانە.