ئەرا یەکەمین جارە لە ٦٠ ساڵ گوزەشتەو.. قالی ئاهەنگ ئۆسکار سوور نیە
2023-03-13T07:41:04+00:00
شەفەق نیوز/ ئەو هونەرمەنەیل ئەسارە ک ئەوەسا لە ئاهەنگ بەشەوکردن خەڵاتەیل بەشداری کەن، وەبان قالییگ رەنگ بێجی کاڵ رەد بوون.
کارەیل فرەیگ لە خەڵاتەیل ئۆسکار وەماوەی ساڵەیل گوزەشتە ئاڵشت بوین، وەلێ لە ماوەی شەس ساڵ گوزەشتە تەنیا چشتیگ هەر جویر خوەی مەن و ئاڵشت نەوی؛ قالیە سوورەگە.
هەرچەن پانی و شیوەی قالیەگە ئاڵشت بوی، باوجی هەر و پلەیگ لە رەنگ سوور بوی.
جیمی کیمیل ک میوانی ئاهەنگ بەشەوکردن خەڵاتەیل نەوەت و پەنجەم ئۆسکار کرد، وت: رەنگ قالیەگە وە رەنگ شەمپانیا پەسەن کریا، ئەوەیش لەجیای رەنگ سوور، تا نشان بڕواییمان بەیمن ک دی خوین نەڕشێد.
بڕیار ئاڵشتکردن رەنگ قالیەگە لەلای راویژکارەیلەیل دیزاینەر لیزا لاف و رائووڵ ئەفیلا دەرچگ.
میژوو قالیە سوورەگە لە خەڵاتەیل ئۆسکار چوودەو ئەرا ساڵ ١٩٦١، هەناێ سی و سێیەمین ئاهەنگ ئۆسکار بوی.
