گرانترین مارەی دۊتیگ لە سوودان
شەفەق نیوز/ ئاشول لوال دۊیتیگ گەنج باشور سودانە، مارەییەگەی ٣٠٠ مانگا و ٢٠٠ کەڵگا بۊیە، وەی جۊرە شمارەی پەێمانەیی لە وڵاتەگەی خوەی شکاندیە ک وە فرەترین مارەیی دیاری کریایە.
ئەو وڵاتە وە نەداری ناسریاگە و وەدەس کاریگەریەیل جەنگ ناڵن هەر لەوەر یە ئەو مارەییە لەو ناوچە وە فرە دانریەێد، ک ٣٠٠ مانگا و ٢٠٠ کەڵگا بۊیە.
وەگورەی ماڵپەڕ سودان پرێس، لە گوزەشتە دۊتیگ سودانی وەناو نیالوق مارەییەگەی ١٠٠ مانگا و ماشینیگ گرانبەها بۊیە، ک گرانترین مارەیی بۊیە لە ناوچەگە، باوجی مارەیی ئاشول گرانتر بۊیە و کەفتیەسە نوای ئەو دۊتە.
مەردم باشور سودان چەن دابونەریت جیاواز دیرن لە ڕێورەسم خوازمەنی و دەزۊرانی دۊتەیلیان، لەفرەی وەخت مارەییان مانگاس، هەر یەیش لیوا کردیە شمارەی ئەو ئاژەڵە لەو وڵاتە فرە بوود، ئی دابونەریتە لە ئیسە لە ناو هۆزە گەپیل جۊر دینکا و نۊر لە سودان مەنیە.
