گرانترین جانتای دەسی لە میژوو وە 10 ملیۆن دۆلار فرووشیەێد
شەفەق نيوز/ مۆدە شمارەیگ پەیمانەیی توومارکرد دویای ئەوەگ یەکەم جانتای رەسەن هێرمێس بیرکین لە زیادکردنیگ ئاشکرا وە بڕ ١٠.١ ملیۆن دۆلار لە پاریس فرووشیا.
خەڵک باس لەوە کردنە کە جانتاگە کە لە ساڵ ١٩٨٥ ئەرا یەکەمجار نمایشکریا، لە زیایکردنیگ دە خولەکی خریاسە بازاڕەو، لەو ماوەی نۆ کەس لە هەوادارەیل خوازینە بسیننەی، تا لە لە ١٠ی تەمموز بویە بەش بسینیگ بیناو ژاپۆن.
جانتا زەناوبانگەگە لە مەوقەی باسکردنیگ ئاسایی لەناو فڕۆکەیگ لە ساڵ ١٩٨١ لە ناوەین ژان لویس دوماس وەڕێوەبەر جیوەەجیکار کۆمپانیای هێرمێس و ئەکتەر و گۆرانیچڕ بەریتانی جین بیرکین هەبێ لەلی کریاس.
یەکەم جار لە ساڵ ١٩٨٥ کەفتە بازاڕ، دویای ئەوەگ بیرکین داوا کرد کە جانتاگە وەناو خوەیەو بوود.
ئی جانتای رەسەنە دوو شمارەی پەیمانەیی شکان: یەکەم، بویە دووەم گرانترین پارچە پڕتاڵ کە تا ئیسە فرووشیاش، دویای ئەو کەوش سوورە کە جودی گارلاند لە فیلم جادووگەری ئۆز (١٩٣٩) لەوەری بویە، کە لە ساڵ ٢٠٢٤ وە ٣٢.٥ ملیۆن دۆلار فرووشیا.
دویەم: بویە گرانترین جانتای دەسی کە تا ئیسە لە زیایکردنیگ فرووشیاوێد، لە جانتای هێرمێس کێلی ٢٨ رەد کرد کە لە ساڵ ٢٠٢١ وە زیاتر لە ٥٠٠ هەزار دۆلار فرووشیا.
