دەمامک.. لە ئەنفلەوەنزای ئیسپانی تا کۆڤید-١٩
شەفەق نیوز/ ئی وینە، لە هەڵمەتیگ لالیەن یەکیگ لە خانمە کارمەنەیل لە سکەی قەتار ئەمریکی ئەنجام دریا، ک بڕێ لە کارمەنەیل وەگەردی وسیانە، هانە ویستگەی قەتار کالیفۆرنیا و گشتیان دەموچاویان وە ماسک پووشینە.
ئەو هەڵمەتە ئەرا نواگرن ئەنفلەوەنزای ئیسپانی کریا، ک لەسەرەتای سەدەی گوزەشتە بۊیە هووکار مەلیۆنا مردن لە جەهان.
لەقەی ئەو تابلۆ ک هالە رۊی سینەی ئەو خانمە نریاگە، نۊسیاگە: دەمامەک وەکار بارن، یا زیندان چەوەڕیدان کەێد.
دیارە ک کۆمەڵگا هەمیشە هەڵمەت هوشداری خوازێد، و دیارە ک دەسەڵاتدارەیل گشت سەردەمیگ، وە شیوە و رەفتارەیل جیاجیا، هەمیشە هەڕەشەیگ خەنە وەردەم کۆمەڵگا، تا مقیەتی خوەی و ئەوەکان لە زەرەدیگ کارەساتی دەێد.
لەی سەردەمیشە، سەردەم کۆڤید-١٩، لە چەن شۊنیگ هەڵمەت وەخوەمان دۊنیمن، و هەمیش ناڕەزایی لە ریکارەیل تەندروسی دۊنیمن، تا وەرجە چەن رووژیگ کابرایگ لە یەکیگ لە وڵاتەیل ئەوروپا، لە ناڕەزایی وەرانوەر ریکارەیل تەندروسی ئەرا نواگردن دۊیاترین نەوەیل کۆڤید-١٩ (ئۆمیکرۆن) خوەی سزان.
دەمامەک، بۊیەسە پاڵەوان ئەو فیلمە، ک زنجیرەگەی وەگەرد دەرکەفتن هەر پەتایگ لە نووەو نمایش کریەێد.
