دەزویران گونجیاییگ وەدەسم نەکەفت.. خوەیکوشتن خانمە ئەسارەی تیکتۆک "كۆبرا ئیكۆت"
شەفەق نیوز/ خانمە ئەسارەی تیکتۆک "كۆبرا ئیكۆت" لەناو ماڵەگەی خوەی لە قات پەنجەم لە شار ئەستەنبوڵ خوەی کوشت، و دووسەیلی لە سۆسیال میدیا خەفەتبار کرد، وەتایبەت لەناو "تيك تۆك".
میدیایل تورکی، ئمڕوو سێشەممە، وتن؛ کۆبرا دویەت ٢٦ ساڵان، پەیامیگ لەناو شوقەگەی خوەی لە ناوچەی سوڵتان لیلی لە شار ئەستەنبوڵ وەجی هیشتیە، کە لەناوی مدووەیل خوەیکوشتنی ئاشکرا کرد.
کۆبرا لە پەیامەگەی نویساس: وە سڵا و ئاگای خوەم، خوەم خستمەسە خوارەو، چوینکە دی نیەخوازم بژیەم، لەناو ژیانم وەرد گشتی فرە خاس بویم، وەلێ نەتوەنستم خاسی بوینم.
لە پەیامەگەی وتیش: ژیان جویر کەسیگ خاس، چشتیگ وەپیم نەیا، لەی ژیانە تەنیا دووس خوەد داشتوو، یە چەن رووژیگە مرم، و کەسیگ ئاگا لەلیم نەوی، ئەوەسا چمە ریەو، چوینکە فرە دووس خوەم دیرم، و هویر وەخوەم کەم.
ئەو دویەتە مەلیۆنا کەس لەناو سۆشیال میدیا فولەری کەن، و پارچە ڤیدیۆی سویرەگەی ناودیارترینە، کە ئاهەنگ سویر ئەرای خوەی کرد، وەبی دەزویران، کە وت: دەزویرانیگ پەیا نەکردم ئەرا خوەم بپووڕێد.
