دۊیایی  ٩٠ ساڵ تۆیوتا کەفێدە نوای جی ئێم

  شەفەق نیوز/ دۊیای رەدبۊین 90 ساڵ کۆمپانیای تۆیوتا ئەرا بەرهەمهاوردن ماشین تۊنست بکەفێدە نوای کۆمپانیای جەنەراڵ مۆتۆرس (جی ئێم) لە فرووشتن فرەترین ماشین.     

کۆمپانیاى جەنەڕاڵ مۆتۆرس (جى ئێم)، راگەیان؛  لە ساڵ (2021) لە ئەمەریکا دوو ملیۆن و (200) هەزار ماشین فروشتنە، ئەویەش وەرانوەر پارەکە وەرێژەى (12.9%)، کەمردیە.    

لە وەرانوەر، کۆمپانیاى تۆیۆتا، لە ساڵ (2021)، دو ملیۆن و (300) هەزار ماشین فروشتیە، ئەویەش وەرانوەر وە ساڵ (2020)، رێژەى فروشتن ماشینیل وەرێژەى (10.4%)، زیاد کردیە.  

لەباوەت ئامارەیلە، جاک هۆلیس، جیگر سەرۆک کۆمپانیاى تۆیۆتا لە باکور ئەمەریکا وت،" راسە ئیمە لە ساڵ (2021) لە شمارەی فروشتن ماشین لە ئەمەریکا کۆمپانیاى (جى ئێم) رەدکردیمن، باوجی  ئەوە ئامانجمان نیە و باوەر نێکەیمن لە سالەێل ئایندە ئی بارە وەردەوام بوود.    

یەیش لە مەوقەی ک ( جى ئێم) لە ساڵ (1931) وەوەردەوامى لە ئەمەریکا ساڵانە فرەترین ماشین فرووشتیە، باوجی دۊیای (90) ساڵ ئەرا یەکەمین جار کۆمپانیایگ نوای جی ئێم کەفێد لە فروشتن فرەترین ماشین لە ئەمەریکا.