دویای ٤٩ رووژ لە زەویلەرزەگەی تورکیا.. رزگارکردن پشییگ لەژیر رمیاگەیل
2023-03-29T13:23:03+00:00
شەفەق نیوز/ تیمیگ پسپۆڕ، توەنست پشییگ لەژیر رمیاگەیل بینایگ خاپوورکریاگ لەئەنجام زەویلەرزەگەی باشوور تورکیا رزگار بکەێد، ئەوەیش دویای ٤٩ لە گیرهاتنی لەو ژیرە.
نیدا دینا ئەو ژن ٣٦ ساڵانە خاوەن پشیەگە وت: شوقەگەی لەناو بینایگ ١١ قاتی بویە لە ویلایەت کەهرمان مەرعش، زەویلەرزەگەی ٦ شوبات گوزەشتە رمانەی، و ئەو پشیە وەناو "هان" لەو مەوقەو لەژیر رمیاگەیل گیر هاتیە.
دینا وتیش: دویای زەویلەرزەگە لەناو ماشینەگەی لە شان رمیاگ ماڵەگەی مەنیە تا مینەی پشیەگەی بکەێد، و خوەشهاڵە ک دویای ٤٩ رووژ وە زنی پەیای "هان" کرد، ک یە چشت ئەڵاجەوییگە، و خوەمیش باوەڕ نەکردمە.
وتیش؛ مەوقەی پەیاکردن پشیەگە پای زەخمدار بویە، و ئیسە هاژیر چارەسەری.
