دوو خانمە چالاکوان شۆربا ئەرا تابلۆی مۆنالیزا وەشنن
لە گرتە ڤیدیۆییەیل دەرکەفتیە کە دوو ژن لە کڕ ناوەین تابلۆکە و تەماشاکەرەیل رەد بوون، و یەکیگیان شۆربا وەرو ئەو تابلۆ وەناوبانگە فڕە داگە.
لە گرتە ڤیدیۆییەگە دەرکەفتیە کە یەکیگ لەو دوو ژنە چاکەتەگەی داکەنیە و تیشێرتیگ لەبانی نویسیاس Riposte Alimentaire کە وە واتای وەڵامدان خوەراک تیەێد، یەیش جویر نشانەیگ ئەرا گروپیگ چالاکوان کەشوهەوا.
ستاف مۆزەخانەگە دیار دان کە زویوەزی وەرەو تابلۆگە چن و شاشەیل سیا وەدەسیان بویە، یەیش لە تەقەلایگ ئەرا ریگریکردن لە تەماشاکردن خەڵک.
جی سەرنجە لە مانگ ئایار ساڵ ٢٠٢٢ بەرگ ئەو تابلۆ وەناوبانگە لەلایەن پیایبگ کە خوەی وە دەنگ لە ژن پووشیە وە کێک ئەرای وەشیا.
دویای ئەوە، ریوارەیل وتن "پیاییگ کە دەڵنگ کەیوانوو لەوەری بویە" وەرجە ئەوەگ تەقەلای شکانن شویشەی تابڵۆگە بەێد، لە کورسییگ گەورە باز کوتاس.
وەچەودیەیل باس لەوە کردنە، ئەو پیاوە رەنگ سوور لیو و بارووکە لەسەری بویە وەبان کورسی هاتیە ئیجا لەناکاو باز کوتاس و تەقەلای شکانن شویشەی مقیەتیکردن وەناوبانگترین تابلۆی لیۆناردۆ داڤینچی داگە، ئیجا شویشەگە وە کێک یا کرێم پلگانیە وەرجە ئەوەگ ئاسایش باێدە جی.
