داڵگ و باوگیگ خوەڵەکو لەش زاڕوویان خەنە بان مانگ
2022-07-22T11:37:59+00:00
شەفەق نیوز/ ماسیۆ گالاگەر تەمەن 11 ساڵان بوی، ک لە پەنج ساڵ کۆتایی تەمەنی ئاشنای زانست گەردوون بویە، لە ١٨ی ئازار ئمساڵ کووچ دویایی کردیە و داڵگ و باوگی بڕیاردانە خوەڵەکو لەشی ئەرا ئاسمان کلبکەن و لەبان مانگ بنەنێ خاک.
وەگورەی ماڵپەڕ nypostی ئەمریکی، داڵگ و باوگ زاڕووەگە گشت تەقەلایگ دەن ئەرا ئەوەگ خوەلەکو لەش کوڕەیان لەبان مانگ بنەنە خاک چوینکە کوڕەگەیان وە وەردەوامی وە دویای زانست ئاسمانەوانی بویە خەوەنی ئەوە بویە گەورە بوود بوودە کەشتوان ئاسمانی و بچچودە بان مانگ.
ئەو داڵگ و باوگە بڕ 11 هەزار دۆلار گردەو کردنە مەوقەی ک 14 هەزار دۆلار خوازن تا ئەو کارە جیوەجی بکەن، بڕیارە ئاژانس ناسا لە ساڵ 2023 ئەو کارە ئەرایان ئەنجام بیەێد.
