داڵگ سێ مناڵ بوودە شاجوان شویدارەیل رووسیا
بەش رووژنامەوانی پێشبڕکێگە ئەرا ئاژانس “نۆڤۆستی” ڕووسی وت: براوەی پێشبڕکێگە تەمەنی ٤٠ ساڵە و خاوەن سێ مناڵە، لە کۆمار کازاخستان پەیا بویە کە تەمەن مناڵی لەوەرا وەسەر بردگە، خوەنوواری ئامادەیی لە ناوچەی قەفقاز ڕووسیا تەواو کردگە و چگەسە زانکۆی پترسبۆرگ ئەرا تەکنەلۆژیای پیشەسازی و دیزاین.
خەڵاتی دویەم پێشبڕکێگە و نازناو “ڕووسیا گڵۆب” ئەرا داریا زاخارۆڤا، تەمەن ٣٥ ساڵ، خەڵک شاری نیژنی نۆڤگۆرۆد ڕووسیا بوی، و ئەوەسا لە پێشبڕکێی شاجوان جەهانی ٢٠٢٤ نوێنەرایەتی ڕووسیا کەێد لەناو ٨٠ وڵات جەهان.
ئیڤجینیا مۆرۆزۆڤا لە پسکۆڤ پلەی یەکەم شاجوان ڕووسیا بوی، دویەمیش گالینا پاشکۆڤا لە شار ستاڤرۆپۆل بوی، ئیجا کریستینا ڤۆڵسکایا لە شار سامارا نازناو “شاژن جوانی کلاسیک” وەپی دریا.
جی باسە کە خول کۆتایی بیس و شەشەمین پێشبڕکێی نیشتمانی جوانی ئەرا ژنەیل خیزاندار “شاجوان ڕووسیا ٢٠٢٤” لە هۆڵ گەورەی کۆنسێرتەیل سەنتەر فۆلکلۆر لە مۆسکۆ وەڕیەو چگ.
پێشبڕکێی ئمساڵ شمارەیگ پەیمانەیی توومارکرد لە شمارەی ئەو داڵگەیلە کە چەن مناڵیگ دیرن: لە بڕ ٣٩ کەس کە لە گشت وڵاتەگە بەشداربوین، ١٣ کەسیان چەن مناڵیک داشتنە، بیجگە لەوەیش چەن ژنیگ شویەیلیان بەشداری ئۆپەراسیۆن سەربازی تایبەت کەن.
