خوەنەوار ١٩ ساڵانیگ پۊیل خەرج زانکۆ وە دروسکردن بازی ئەلیکترۆنی پەیا کەێد
شەفەق نیوز/ خوەنەواریگ دەرخست ک پۊیل زانکۆگەی لە ری بازی ئەلیکترۆنیی پەیا کەێد ک لە ژوورەگەی خوەی دروسیکردیە.
ماڵپەڕ "میرەری" بەریتانی بابلوەتیگ لەبان یە بڵاوکردیە، ئۊشێد: "جۆش وود" تەمەن ١٩ دیرێد باوجی بازیەگەی ک دروسیکردیە وەناوGame Dev Life وە یەکیگ لە وەناوبانگترین بازیەیل Roblox دانریەێد.
رۆبلۆکس ماڵپەڕیگە گەیمەرەیل توەنن خوەیان بازی دروسبکەن و وە ئۆنلاین وەگەرد دوسەیل و مەردم سەرتاسەر جەهان بازی بکەن.
جۆش لە نوان قسەیلی ئەرا میرەری بەریتانی راگەیان" سەرەتا وەرجە ٧ ساڵ جۊر بازیکەریگ دەسکردمە وە Roblox ک تەمەنم ١٣ ساڵ بۊی، دۊیای ئەوە برادەریگ وەپیم وتیە ک تۊنێ توادێ لە بازیەگە دروسی بکەێ.
وتیش" لە دۊیای دەرچین یەکەم بازیم، وەردەوام کار لەبان کۆدەیلە کردم و وەهەماهەنگی وەگەرد پەرەپێدەرەیل تر لەکۆتای بازی Game Dev Life دەرکردم و سەرکەفتگترین بازیمە کە تائیسە زیاتر لە ١.١ ملیۆن جار بازی وەپیکریایە.
بازیەگە وە چەن جۊریگ جیاواز پۊیل ئەرا جۆش تیارێد.
دیاری کەێد" ک بازیکەرەیلە بریگ چشت زیادە لە بازیەگە سینن جۊر توانا و پێرک و یەیش پۊیل ئەرای زیاد کەێد.
لە دەیشت بازیەگەش وەگەرد Roblox کۆمپانیا واژووم کردمە و پۊیل وەرگرم.
