خوەنستیگ لە کتاو "هونەر بیباکی"
کتاوەگە وە پرسیار گرنگیگ دەسوەپی کەێد؛ ئایا ئەو چشتە چەس کە بهەرزێد ئەرای نیگەران بویمن؟، ئیجا نویسەرەگە تەمەی ئەوە کەێد کە نیگەرانی لەناو ژیانمان کەمەو بکەیمن، و بکەفیمنە فتراق چشتە راسی و گرنگەیل، و ئەو چشتەیل ترەک بخەیمنە پشتگووش کە نیگەرانی نیەهرزێد.
نویسەرەگە ئویشێد: فامستن واتەی ژیان خوازێد پاپەی فرەیگ وە چشتەیل رووژانە نەویمن، و هوچانیگ بیاشتایمن و خوەشی وەی مەوقەی ئیرنگە بکەیمن، لەجیای ئەوەگ هەر ختوورەی بانان بکەیمن، یا ئەو چشتەیلە کە لە جارانی بویە.
مارک باس گرنگی هەڵە و شکستەیل ژیان کەێد، و گاڵ ئەوە کەێد کە بکەیمنەی بەشیگ لە ئەونواچگن ئەرا خوەمان، و هویر بخەیمنە لای ئامانجە راسیەیل و دڵمان وەو کارە خوەش بکەیمن کە ئەنجامی دەیمن.
هەمیش باس گرنگی پەسەنکردن ئەرزشەیل راسی کەێد و وەڕاسگووی لەی ژیانە بکەفیمنە شوینیان، و پاپەی زوور و فشارەیل کۆمەڵایەتی نەویمن، و وڕینەی رووژیگ نەکەیمن کە هیمان نەهاتیە، تا سەرکەفتن خوەمان دیاری بکەیمن.
لە کۆتایی، نویسەر کتاوەگە، بڕیگ تەمەی پیشکەش کەێد، وەشیوەیگ پیشەیی، جویر هەرسکردن وەشیوەیگ ئەرێنی، و کەفتن وە فتراق ئامانجە راسیەیل، و خاسەوکردن پەیوەندیەیل.
