خانمیگ وە شێوازیگ جیاواز وێنە گرێد
2022-02-18T09:39:26+00:00
شەفەق نیوز/ شایەت هووکارەبۊن کار نوویگ لە ژیان ژیانمان وە تەواوەتی ئاڵشت بکەێد جۊر خانمیگ وە ناو "کیمیکو نیشیموتو" ک لە تەمەن 72 ساڵێ هووکارەی وێنەگردن بۊیە و تەواو ژیانی ئاڵشت کردیە.
ئی خانمە ئیسە تەمەنی 94 ساڵە، باوجی وە پیچەوانەی کەسەیلتر ئی خانمە لە مەوقەی وێنەگردن وە پرتاڵ سەرنجڕاکێش وێنە نیەگرێد، بەڵکم لە وەختەیل جیاواز وێنە گرێد، جۊر مەوقەی رانین ماتۆرەگەی و لە مەوقەی کارکردن و چەن وێنەیگ جیاوازتریش ک سەرنج گشتی وە لای خوەی کیشێد، وێنەیلی لە یەکیگ لە پێشانگایەل تۆکیۆ نمایش کردیە.
ئی خانمە باس لەوە کەێد خوەشی لەی وێنەیلە و ئی رەفتارەیلە دۊنێد و هووکار دڵخوەشیە ئەرای لە ژیانی، وێنەیلی وە کامێراگەی خوەی گرێد و لە پەڕەی تایببەت وەخوەی لە تووڕەیل کۆمەڵایەتی بلاوی کەێد.
