خانمە نویسەریگ کورد خەڵات ئەدەب مناڵ لە فیستواڵیگ ناودەوڵەتی وەرگرێد

شەفەق نيوز – كەركوك 

محمد خدر حەمدانی سەرۆک یەکێتی ئەدیب و نویسەرەیل کەرکوک، ئمڕوو دووشەممە، سەرکەفتن خانمە نویسەر کورد پەیام ئیبراهیم کە لە ئەدەب مناڵ نویسێد وە خەڵات یەکەم لە فیستواڵ ئەدەب مناڵ کوردی ناودەوڵەتی، کە لەی دویاییە لە شار كامياران سەروە پارێزگای سنە لە خوەرھەڵات کوردستان لە ئیران وەڕیەو چگ.

حەمدانی ئەرا ئاژانس شەفەق نیوز وت: سەرکەفتن ئەندام یەکێتی ئەدیب و نویسەرەیل لە عراق، خانمە نویسەر پەیام ئیبراهیم، دەسکەفتیگ جویرەیە ئەرا ئەدەب کوردی هاوسەردەمی، وەتایبەت لە ئەدەب مناڵ کە لەی ساڵەیل دویاییە گەشە کردیە.

پەیام خان خەڵاتەگە لە چیرووکیگ فولکلۆری وەرگرد کە وە زوانیگ سادە ئەرا زاڕووەیل نویساسەی، کە لە ئەفسانەی کوردی وەناوبانگ "مەم و زين" هات شاعر کورد کلاسیکی ئیبراهیم خانی بردیەسەی.

ئەو چیرووکە کە وەناونیشان دڵەیل دووسی، باس عشقیگ کوردی لە مەم و زین کەێد کە ئەرا مناڵەیل لە 7 تا 12 ساڵان نویسیاس، کە داب و نەریتی کورد رەسەن وە چیرووک فولکلۆری کاریگەر نشان دەێد، و پەیامەیل دڵداری و کەلتوور و نیشتمانی پیشکەش کەێد.

   پەیام ئیبراهیم یەکیگە لە دیارترین نویسەرەیل ئەدەب مناڵ لە هەرێم کوردستان، و لە چەن چینیگ جیاجیا لەناو ئی جویر ئەدەبیە چالاکە، جویر چیرووکەیل خەیاڵی و فەلسەفی و کۆمیدیا.

پەیام خان ئیرنگە کار لە ئامادەکردن کتاو نوویگ کەێد لە ئەدەب کۆمیدیا ئەرا زاڕووەیل، وە هاوکاری وەرد نویسەر ئیرانی خەیار شافعی زادە.