خانمیگ لە ماوەی 35 ساڵ پەنج جار تویش بیماری شێرپەنجە بوود

وەپای خەوەریگ ماڵپەڕ 24، ناتالی تا ئیسە 11 نەشتەرگەری و 30 جار چارەسەر کیمیایی و ٥٥ خول چارەسەر تیشک وەرگردیە، تا دوو جار وەبان لیمفۆما و سێ جار وەبان شێرپەنجەی مەمگ زاڵ بوود کە تویشی هاتیە.

ناتالی تەمەنی 22 ساڵ بویە هەنای تویش بیماری شێرپەنجەی    لیمفە گرێگان بویە چارەسەر تیشک ئەرای کریایە، باوجی دویای 15 ساڵ دوارە بیماریەگە گلەوخواردیە و لە 2004 چارەسەرەگەی وە سەرکەفتی تەواوکەێد.

لە ساڵ 2009یش تویش شێرپەنجەی مەمگ هاتیە، لەدویای چارەسەر ورگردن تەواو خاسەوبویە، باوجی ئەڵاجوی تێد هەنای نوڕێد دوارە کەمتر لەساڵیگ گلەوخواردیە و ناچار بوود جاریگتر چارەسەر وەربگرێد، باوجی ئیرنگە وە قسەی پزیشکەیلە وە تەواوی خاسەوبویە.

وەپای قسەیل خوەی دوو جار لە شێرپەنجەی لیمفەگرێگان و سێ جار تویشهاتن وە شێرپەنجەی مەمگ قورتاری بویە، ئیرنگە وە هاز قایمیگ نووڕێدە ژیان.