حاکم و سەرخوەش

کوڵە چیرووک 

لە ساڵان وێیەردە، لە شار "ئاریناوا" گەزمە و پاسەوان، کەسێ باڵبەس کردن و وە دەڵەک و هەڵسوبڕم، بردنەێ لە وەرایوەر دادوەر کوتانەی زەۊا...

پیای میانەساڵ، هناسێ کوڕ هاتۊد و زوانێ لەنگ دا.

پاسەوان وەت:

قوربان لەبەس عەرەق خواردێیە، وە پاوە نیەوسێ، چەوێ نیەۊنێ و زوانێ لەنگ دەێ، هەر خراو وە باوگ کەسێ دەێ، ناو باوگ ئەو کەسە هەم(ئەو کەسەیش) ڕەزگە کەچەڵە....

حاکم دەسێ کیشا ڕیش ماش و برنجیا و مەێزەرەگەێ لە سەری هاوردەو خوار وەت:

هەزار شلاخ بێیەنە لێ!

پیای کەمێ چەوێ واز کرد و وەت:

حاجی، قوربان جەدد، یا شمارە نیەزانی یا تا ئەلان شلاخ نەخواردیە!!

  د. فەرهاد عزەتیزادە