تەقەلادریەێد وە یەکجاری کۆتایی وە کەچەڵی باد
شەفەق نیوز ـ وەدویاچگن
لە جیهان ملیۆنان کەس وە دەس کەچەڵیو رزیان گیسیان ناڵن لە ماوەی ساەیل گوزەشتە زانایەیل تەقەلا دان وە ری جیاواز چارەسەر کاریگەر ئەرا ئێ گێچەڵە پەیابکەن باوجی فرەیگ لە چارەسەریل هەوەجە وە وەکارهاوردن وەردەوام یا نەشتەرگەری کەێد.
داهێنان نوویگ لە چین هیوا نوویگ ئەرا چارەسەرکردن رزیان بۆماوەیی گیس گلەودا وە دروسکردن شانگ زیرەک کە وە وەکارهاوردن کارەبا مادەیل دەرمانی ئەرا ریشگ گیس کلکەێد و دەرمان دەرد کەچەڵی کەێد.
ئێ شانگە ناوی «دیتەنگڵ» (Detangle)ە، وەلایەن تیمیگ توێژینەوەی زانکۆی بێیهانگ لە پەکین پایتەخت چین دروس کریاس و لە 3ی نۆڤەمبەری 2026دا لە گۆڤاری زانستیی «نەیجەر » (Nature Communications) هویردەکاری بڵاوکریاس.
دیتەنگڵ جویر شانگیگ ئەلکترۆنی دیزاین کریاس باوج جیاوازیەگەی وەرد شانگ ئاسایی ئەوەس دگانەیلی وەشیوەی ئەڵکترۆنی و لە خانەی تایوەت وە هەڵگردن مادەیل دەرمانی پێکهاتنە.
وەپای زانیاریەیل، هنای شانگەگە لەبان پووس سەر جویلیەێد وزەی کارەبای دروسکەێد و هەمیش مادە دەرمانەیل ئەرا بن ریشگ رەسنێد وەیجویرە تەزوو کارەبا دەسمیەتی چگنە ناو دەێد و کاریگەری قویڵتر لە بان خانەیل گیس دروسکەێد.