توێژینەوە: 900 ساڵ وەرجە ئیسە مرۆڤایەتی نزیک بویە لە فەوتیان
2023-09-07T08:45:38+00:00
شەفەق نیوز/ وەپای توێژینەوەی نوویگ دەرچگە، مرۆڤایەتی کویەنە نزیک بویە لە لەناوچگن وە تەواوەتی هەنای شمارەی دانشتگەیل جەهان کەمکردیە و رەسیەس ئەرا نزیکەی ١٢٨٠ کەس
وەپای باوەتیگ ماڵپەڕ "سی ئێن ئێن" ، نزیکەی ٩٠٠ هەزار ساڵ گوزەشتە ئاڵشتکاری گەپیگ لە کەشوهەوا دروسبویە بویەسە مدوو ئێ کەمەوبوینە، ٩٨٪ـ ئایەمەگان ئەو سەردەمە گیان لەدەس بیەن و شمارەی دانیشتگەیل وەی جویرە کەمەوبوود.
تیم توێژینەوەگە ئەرایان دەرچگە، ئیە هووکار سەرەکی نەویە بەڵکم هووکاریگ بویە لە رویداوەیل، یەیش لەوەر یەخبەندان خەسیگ کە بویەسە هووکار داوەزین پلەی گەرمی و کەشوهەوای فرە هشکیگ.
توێژەرەیل ئاشکەرایکەن، " هەرچەنە تا ئیسە هووکار سەرەکی ئی کەمەوبینە فرە نەزانریاگە باوجی هاتێ کەشوهەوا وە بەدی کار لەو کەمەوبوینە کردیە، و ئیمە مەزەنەی رویداو گەپتر کەێمن باوجی تا ئیسە نەتوەنستیمنە پشت راسی بکەێمن" هەمیش ئاشکەرایکردن " ئێ شمارە کەمە لە دانیشتگەیل تا زیاتر لە 117 ساڵ وەردەوام بویە".
