توێژینەوە: ئەو مناڵەیلە لەسەردەم ڤایرۆس کۆرۆنا لە داڵگبوینە گیچەڵ ئەوزەڵکردن دیرن
2023-07-14T13:38:43+00:00
شەفەق نیوز/ لەسەرەتای هاتن ڤایرۆس کۆرۆنا لە ساڵ ٢٠٢٠ نزیکەی یەک ملیۆن مناڵ لەسەرانسەر جەهان لەداڵگبوین، توێژینەوەیگ گیچەڵ ئەوزەڵکردن ئی مناڵەیلە نیشان دەێد.
وەپای راپۆرتیگ لە گۆڤار "سپێکترومی" ئەڵمانی بڵاوکریاگە، ئەو مناەەیلە مەوقەی بڵاوبوین ڤایرۆس کۆرۆنا لەداڵگبوینە لەروی هویکارەبوین ئەوزەڵکردن خاوترن لەمناڵەیلتر.
توێژینەوەگە لەبان ٢٥٥منداڵ کریاگە ک لەسەرەتای مانگ سێ و کۆتای مانگ دوانزەی ساڵ ٢٠٢٠ لە دوو خەسخانە لە نیویۆرک ئەمریکا لەداڵگ بوینە، و توێژینەوەگە وەشیوەی فورم دریاس وە دکتۆر مناڵەیل و باوانەیلیان، لەبان چەن بنەمایگ دانریاوێد ئەرا نموونە قسەکردن و جویلە و پەیوەنی کۆمەڵایەتی.
ئەوەگ وە دیدکریاگە ئی مناڵەیلە گیچەڵ دویاکەفتن لە فامستن و جویلە وەگەرد پەیوەنی کۆمەڵایەتی داشتنە، وەی واتا مناڵەگە کەمتر خوەشی وە بازی وەگەرد مناڵەیلتر تێد و پەیوەنی هاوڕیەتی و تێکڵایی وەگەرد دەوروگەرد کەمتر بویە وە چەو مناڵەیلتر.
