تویژینەوە: ئاڵشتبوین ئاو و هەوا کاریگەری لەبان تەندروسی گورچگ دیرێد

شەفەق نیوز/ شارەزایەیل مژار تەندروسی ئەڵمانیا ئاشکەرایکردن، ئاڵشتکاری ئاو و هەوا کاریگەری لەبان تەندروسی ئایەم وە تایبەت تەندروسی گورچگەیل دیرێد.

هەردگ پەیمانگای رۆبەرت کوخ ئەڵمانی ئەرا ئاڵشتبوین ئاو و هەوا و کۆمەڵەی ئەڵمانی ئەرا بیماریەیل گورچگ راگەیاننە، " ئاڵشتکاریەیل ئاو و هەوا کاریگەری لەبان تەندروسی گورچگ دیرێد، چوینکە هەنای پلەی گەرما بەرزەو بوود، لەش بڕیگ فرە لە شلەمەنی گوم کەێد، وە یەیش بڕ شلەمەنی لە دەمارە خانەگان کەمەوبوود، وەی هووکارە کەمترین خوین ئەرا گورچگ چوود، و گرفتەیل گورچگ دەسوەپی کەێد ک لە خەراوترینیان لە کارکەفتنیە".

لە هەمان وەخت لە تتوێژینەوەیترەک لەلایەن شیکاگۆی ئەمریکا ئەنجامدریاگە دەرچگە، 50% تویشبویەیل تەو رۆماتیزمی لەوەر وەشیوەی راستەوخۆ کەفتنە وەر خوەرە.

توێژەرەیل داوا لە کەسەیل وە تەمن و ئەو کەسەیلە بیماری شەکرە دیرن کردنە خوەیان وە دویر بگرن لە تیشک راستەوخوەی خوەر، و فرەترین شلەمەنی بنووشن وە جویریگ ک لە رووژیگ دوو ئەرا دوو نیم لتر بوود.