توێژینەوە: ئاڵەت تفت ئەگەر مردن کەمەوکەێد
2023-10-08T15:30:03+00:00
شەفەق نیوز/ وەپای توێژینەوەیگ کە شمارەی ئەکادیمی ئیتاڵی ئەنجامیدانە، خواردن ئاڵەت تفت لەهەفتەگە چوار جار توەنێد ئەگەر تویشهاتن وە بیماریەیل دڵ کەمبکەێد.
ئاڵەت تفت چەن توخمە خوەکی گرنگیگ هاناوی کە سوود و تەندروسی رەسنێد، توێژینەوەیگ نوو ئاشکەرایکەێد خواردن ئاڵەت تفت وەشیوەی وەردەوام مەترسی مردن لە بیماری دڵ کەمکەێد.
لەی باوەتە رووژنامەی دەیلی مەیل بەریتانی دیاریکردیە، توێژەرەیل ئیتاڵی ئەرا ماوەی هەشت ساڵ چەودێری تەندروسی 23 هەزار خوەیبەخش کردنە لەباوەت رژیم خوەراکیان پرسیار کردنە، ئەنجامەگەی دەریخستیە ئەوانەگە وەردەوام هەفتانە چوار گلە ئاڵەت تفت خواردنە ئەگەر مردن وەرجەوەختەیان کەمتر بویە.
توێژینەوەیل دیاری کردنە، ئەوانەگ وە شیوەی رێکوپێک و هەفتەی چوارجار ئاڵەت تفت خوەن وە رێژەی %40 ئەگەر مردنیان وە بیماریەیل دڵ كەمترە.
دووپاتکردنە ماددەی (كابسیسین) دژە هەوكردن و ئەو ماددەیلە مەوقەی خواردنی ئاڵەت دەم تفتنێد ، هۆكار كەمكردن رێژەی بیماریەیل دڵن.
