تا لەناو فڕۆکە گووشد کپەو نەوود
2023-05-07T12:54:57+00:00
شەفەق نیوز/ بەشیگ لە گەشتیارەیل لەناو فرۆکە، هەس وە کپەوبوین گووشیان کەن، وەگەرد هەسیگ وە فشار دەروینی، وەتایبەت ئەگەر ریەگە درویژ بوی، ک بیزار و نیگەران بوون.
پسپۆڕەیل ئویشن؛ کپەوبوین گووش لە ئەنجام ئاڵشتبوین فشار وا لەناو فڕۆکەگە تیەێد، ئیجا جیاوازییگ کەفێدە ناوبەین فشار گووش ناوڕاسین و دەیشتەکی.
ئی جیاوازیە دەنگیگ لەناو گووش پەیا کەێد ک وەپی ئویشن (Barotrauma).
رووژنامەی دەیلی مەیل بەریتانی باس خانمیگ کرد پارچە ڤیدیۆی هوشیارکردن لەبان تیک تۆک بڵاو کەێد، ک یەک کاریگ زیرەک نشان داگە ئەرا چارەسەرکردن کپەوبوین گووش لەناو فڕۆکە.
ئەو خانمە پەرستارە وەناو شارلۆت ستانلی دیاری کەێد ک ئەگەر کلینکس وە ئاو گەرم تەڕ بکەێ، و بنەێەی ناو دوو لیوان، وەگەرد دەمەکاوکی و جاجگ جایین، چارەسەر کپەوبوین گووش کەێ.
ئویشێد؛ ئەو کلینکسە ک وە ئاو گەرم تەڕ کریاگە، نەێە ناو دوو کووپ پلاستیک، و هەردوگ گووش وەو دوو کووپە گرێ.
ستانلی وتیش: هەڵمەگە هیلێد فشار ناو گووش ناوڕاسین ئارام بگرێد، و دی زوور ناێدە بان گووش.
