"تایسۆن سیبیریا" پاڵەوان بۆکسێن رووسی لە تەمەن ٥٤ ساڵی کووچ دویایی کرد

شەفەق نیوز - مۆسکۆ

وەپای بەیاننامەیگ سایت  ڤیکۆنتاکت لە یانەی بۆکسێن نۆڤۆسیبیرسک، "سێرگی باشکیرۆڤ" کە دوو جار پاڵەوان بۆکسێن رووسیا بویە، لە تەمەن 54 ساڵی کووچ دویایی کردیە.

کوڕ وەرزشوانە کووچکردگەگە ئاشکرایکرد، باوگی تویش پەنامیگ لە بڕبڕەی پشتی هاتیە و دوو نەشتەرگەری ئەرای کریاس لە بڕ 25 چارەسەر تیشکی 24 چارەسەری کریاگە.

باشکیرۆڤ کە نازناو "تایسۆن سیبیریا" لەلینریا، لە ساڵ ٢٠٠١ لە پاڵەوانیەتی ناوەین کیشوەرەیل IBF لە کێش تا ٦٦.٥ کیلۆگرام.

لە ماوەی زندگی  پیشەگەرانەی بۆکسێن 19 بازی کردیە و 14 بازی بردیەسەو، دویای وازهاوردنی بویە راهێنەر.

سێرگی باشکیرۆڤی بۆکسێنەر روسی نازناو "تایسۆن سیبیریا" لەلینریا، لەوەر شیواز گورمیچەوازی توون و وەجەڕە جویر بۆکسێنەر ئەفسانەیی  مایک تایسۆنە، هەمیش لەوەر رەگ و ریشگ سیبیریا لە روسیا.