بەریتانیا داد لە دەس چاخی سەربازەیلی کەێد
2023-01-08T11:25:40+00:00
شەفەق نیوز/ یەک چارەک لە سەربازەیل بەریتانیا، لە پەنج ساڵ گوزەشتە، وە چاخ ریزبەن کریان، وەگەرد دەکردن زیاتر لە ٥٠٠ سەرباز لەوەر قەڵەوی لە ساڵ ٢٠١٠ تا ئیسە.
رووژنامەی "The Mail on Sunday" وت: یەکیگ لە هەر چوار سەرباز وە فەرمی وە زیابوین کیش لەشیان دریەێدە قەڵەم.
توومەتبار گەورە ئەفسەرەیل کریا وە شکستیگ لە ئەنجامدان کاریان، لە باوەت قەوارەی کەمەر سوپا، و نزیکەی ٤٠٠٠٠ لە سەربازەیل سوپا ک شمارەیان رەسێدە ١٤٥٠٠٠ وە چاخ و قەڵەو لە پەنج ساڵ گوزەشتە دریانە قەڵەم.
توەنێ بویشێ ٥٢٠٠ سەرباز بەریتانی زیان لە چاخی یا زیابوین کیش لەشیان وە خوەیان دینە، ک لە ساڵ ٢٠١٠ تا ئیسە لە سوپا دەرکریانە.
و ئەرا چارەکردن ئی گیچەڵە، دەرمانیگ ئەرا زیاتر لە ٨٥٠ سەرباز لە ساڵ ٢٠١٤ تا ئیسە بەشەو کریا، و زیاتر لە ٦٠ سەرباز کەفتنە ژیر نەشتەرگەری لەڕکردن.
