"بنەماڵەی سیمپسۆن" مەزەنەی چە کرد لەباوەت بە ئەنجام هەڵوژاردن ئەمریکا؟

شەفەق نیوز/ باوە کە بەرنامەی “بنەماڵەی سیمپسۆن” توانای ئەڵاجەوییگ دیرێد کە  مەزەنەی چەن رویداویگ گرنگ کەێد و وینەی لە یەکیگ لەو ئەڵقەیلە بڵاوکریا کە مەزەنەی سەرکەفتن کاندید دیموکراتەیل کامالا هاریس کەێد.

 لە ئەڵقەیگ وەناونیشان  "Bart to the Future"، کە لە ساڵ ٢٠٠٠ پەخشکریا، دۆناڵد ترەمپ جویر سەرۆک ویلایەتە یەکگرتگەیل ئەمریکا دەرکەفێد، و لە ئەڵقەگە کارەکتەر "لیزا" جویر سەرۆک نشان دەێد، کە لە وەختیگ لە ئۆفیس ماڵ چەرمگ ئویشێد: "زانین کە قەیران گەورەیگ لە  بودجەمان لە سەرۆک ترامپەو بویە میراتیمان."

 ئی ئەڵقە فرە بڵاو بوی  هەناێ هاریس بویە یەکەم ژن جیگر سەرۆک ئەمریکا، پڕتاڵەگەی هاوشیوەی هن "لیزا" بوی.

 ئیسە دووارە ئەو ئەڵقە بڵاوەو بویە،  بەشیگ هەوادارەیل ئویشن یە نشانەس ئەرا ئەوە کە هاریس لەی هەڵوژاردنە بەێدەو.