بريتنی سبيرز سەر لە دووسەیلی شیونێد کە ئاشکرای شویکردنی وە (خوەی) کرد
شەفەق نیوز/ بریتنی سیبیز خانمە گورانیچڕ ئەمریکی سەرسام دووسەیلی کرد هەناێ راگەیان کە شوی وەخوەی کردیە، ئەوەیش دویای ساڵیگ لە جیاوەبوینی لە نمایشکار پڕتاڵ ئیرانی ئەمریکی سام ئەزغەری.
خانمە ئەسارەی گواێتنی پۆپ لە تەمەن ٤٢ ساڵە، پارچە ڤیدیۆییگ لەبان ئەنیستاگرام بڵاو کرد، کە دڵنگ سویر لە هەوریشم چەرمگ لەوەرزی بوی، و لە جیای ئەوە شوی وە پیاییگ بکەێد، وت: شوی وەخوەم کردمە، وەگورەی قسەی ئازانس فرانس پرێس.
بریتنی لەخوار ڤیدیۆگە نویسان: "ئمڕوو شوی وەخوەم کردم، دووارەی کەم کە هاتێ گەمژە و دەسپاچەیی بوود، وەلێ باوەڕ کەن کە زیرەکترین چشتە کە ئەنجامی دامە".
دووسەیل بریتنی سیبیز لەبان سۆشیال میدیا نیگەرانی فرەی خوەیان لەبان تەندروسی دەروینیی نشان دان، و تەمەی کردن بچووکە باس پسپۆڕەیل، وەتایبەت دویای ئەو پارچەی ڤیدیۆەیل ئەڵاجەویە، کە لەبان ماڵپەڕ فەرمی خوەی بڵاویان کەێد.
