"پایسکل کارەبایی".. ژینگدووس و چارەسەریگ ئەرا قەرەباڵغی بەغداد (وینە)

شەفەق نیوز/ سەدان پایسکل کارەبایی لەناو جادەیل بەغداد بڵاو بوینە، جویر جیگریگ گونجیاگ ئەرا ماشین لەناو قەرەباڵغ هاتوچو مە بازاڕ سەدریە، کە تایبەتە ئەرا فرووشتن پایسکل کارەبایی و ماتووڕسکل، بویەسە ناوەند  سەرەکی ئەرا فرووشتن ئی چین نووە لە پایسکل کە وە پایسکل کارەبایی ناسیاس.

پایسکل کارەبایی جایاوزە وەوە کە دەسەڵات هویچ باجیگ لەبانی نەچەسپانیە، و تونی روانینی سنووردارە، کە گاڵ کەسەیل فرەیگ داگە تا بسیننەی.

نرخ ئیجویرە پایسکلیگ لە 300 هەزار دينار دەسوەپی کەێد تا رەسێدە تیم ملیۆن دینار، هەرکامیان وەگورەی کوالیتی خوەی.

جیاوازی پایسکل کارەبایی 

تونی رانین پایسکل کارەبایی هاناوەین 45 و55 و90 ملیۆن لە ساعەتیگ، و پارتی هاناوی تا ماوەی 6 کار کەێد، کە هیلێد تا مەودای  45 کیلۆمەتر یا زیاتر بڕانێد.

ئی تایبەتەمنیەیلە هیلێد بوودە پەسەنکریای پووڕیاییگ ئەرا هامشوو زویوەزوی و کەمخەرجی لەناو شارەگە، وەتایبەت کە وەکارەبا کار کەێد، و هویچ دەنگ یا دویکەڵ دەرنیەکەێد.

رای خەڵکەگە 

هاوڵاتی عەبدولڵا، خاوەن کارخانە لە بەغداد، باس ئەزموون خوەی وەرۆ پایسکل کارەبایی ئەرا ئاژانس شەفەق نیوز کرد، کە وت: م ماشین دیرم، وەلێ پایسکل ئەرام خاسترە، چوینکە وە وەختیگ کەمتر لەشوین ئەرا شوین رەسنێدەم.

عەبدولڵا وتیش: ماڵم ها ناوچەی کەڕادە، و کارم کەفتیەسە ناوچەی سنەک، و وەخاسی پایسکل کارەبایی هاموشووم زویتر و ئاسانترەو بویە، مناڵەیلم وەی پایسکلە ئەرا مەکتەوەیل خوەیان رەسنم، ئیجا روی وەرەو کارەگەم کەم.

وتیش؛   ئی پایسکلە وە 980 هەزار دينار سەنمە، کە کار وڵات چینە، تا ماوەی 6 چارج کەێد، و هەر چارجیگ تا   50 کیلۆمەتر ری کەێد.

بەغداد لەدەس بڕیگ گیچەڵ ناڵێد، جویر قەرەباڵغی فرە کە جموجویل خەڵک گڵووڵە کەێد، کە هیشت حکومەت عراق دەسوە چەن پڕۆژەیگ بکەێد ئەرا چارەکردنی، جویر دروسکردن شمارەیگ لە پیەڵ و تونێلەیل.